常見問題

Q: 荔枝窩係邊到?
A: 我地嘅農產物係100%香港本土種植架！沙頭角荔枝窩村坐落於新界東北海岸的一角，被船灣郊野公園、荔枝窩特別地區及印洲塘海岸公園環繞，也是香港(UNESCO)世界地質公園的一部分。佢有條三百多年歷史的客家村莊。雖然由六、七十年代起隨著村民的遷離開始凋零，但村的外貌和文化傳統一直保持良好。及至近年隨著公眾對鄉郊生活的關注提升，於2013年也開展了社區和農耕的活化計劃。

Q: 我地農莊地址係邊度？
A: 我地其實係一個位於荔枝窩入面嘅小小農田，農田主要由農夫一人打理。主要種植香草為主；蔬菜同水果產量唔多，所以都係自給自足，唔會用作售賣用途。如果有興趣想親眼參觀我地塊小小農田，歡迎同我地預約，農夫會親身帶你地導賞荔枝窩嘅美景。

Q: 咁你地係賣D咩？
A: 就如上面所講，農夫主要種植香草為主，我地會將種植好嘅香草再加工成為我地鋪頭嘅各類產品，希望收到嘅朋友都可以享受零農藥、純天然及生態友善種植的產品。

Q: 咁你地會唔會搞活動工作坊/荔枝窩團?
A: 有架~農夫除左基打要打理自己嘅農田之外，有時會受邀係不同地方舉辦蚊香塔及其他天然護膚品工作坊，可以多D留意我地Facebook / IG POST。如有興趣組團參與，歡迎私訊我地傾。

Q: 你地有冇門市?
A: 有呀! 有幾間鋪頭都有售賣我地嘅產品，詳情可以禁呢到睇～
     另外就係，每個月都會盡量抽一個週末出黎擺市集架，等大家多D機會可以接觸到我地產品，或者過黎搵我地傾下計又得，到時留意住我地嘅市集預告。

Ｑ: 荔枝窩可以點去?
A: 想去荔枝窩嘅朋友可以選擇陸路／水路方式到達。

⭐注意：星期四入住隔天需要行山離村
👉🏻請提早15-30分鐘到碼頭排隊上船

陸路：從港鐵大埔墟站A3出口搭乘20R號綠色小巴至烏蛟騰田心村總站下車 由烏蛟騰經九担租、上苗田、下苗田、三椏村前往荔枝窩。行程約 2.5 小時，或可以先乘坐船到由荔枝窩後步行往鹿頸當回程。
(其實仲有其他行山路線可以選擇~歡迎私訊了解下)

水路： 🛳️逢星期六、日及公眾假期
由大學港鐵站步行往馬料水碼頭約 15 分鐘。 乘搭由馬料水三號梯台開出嘅船直達荔枝窩碼頭（90分鐘船程）
開船時間：9am （馬料水三號碼頭開出）
回程時間：3:30pm（荔枝窩碼頭開出）
每日得1班船出入荔枝窩
單程收費：HK$ 45.0 即日來回票價：HK80
航行時間：90分鐘

🛳️星期四 由三門仔/大水坑乘搭水上巴士到荔枝窩
開船時間：8:30am（三門仔公眾碼頭開出）
➡️到達荔枝窩時間約：10:30am
回程時間：3:20pm（荔枝窩碼頭開出）
船費為$80來回，$60是下午單次回程收費

🛳️星期一至日（星期二除外）
➡️由沙頭角碼頭乘搭街渡到荔枝窩
詳細時間及收費請參閱聲威專頁發佈：
https://www.facebook.com/share/p/pf6Xo5rLV27SYta8/?mibextid=WC7FNe

✨以上航線均可Whatsapp 55400002 聲威實業有限公司 Best Sonic Industrial LTD 查詢及預留船位。⭐

Q: 有冇玫瑰、薰衣草等花類為主嘅產品?
A: 唔好意思呀～我地係冇種，因為香港氣候不適合。

Q: 咁你地有冇乾香草/花茶賣架?
A: 其實係有既，但因為產量不多所以我地冇擺上網店。歡迎私訊訂購。

Q: 係網站下單後可以點樣交收?
A: 我地可以安排順豐速運、本地平郵、門市自取。有關詳情可以去呢到。

Q: 有冇得面交先俾錢?
A: 歡迎直接去門市購買現貨，或可以先私訊我地查詢門市有冇足夠存貨及留貨。

Q: 係咪所有產品都可以定製？
A: 冇錯，不過都建議先去門市試左產品，再同我地傾下Ｄ咩需要改善嘅地方，再盡量調較出適合你用嘅配方。